Новата локација ќе продолжи да нуди уникатни програми и бесплатни ресурси за сите посетители!
Американската амбасадорка Кејт Брнз, заедно со ректорот на Универзитетот „Св. Кирил и Методиј“, проф. д-р Никола Јанкуловски и деканот на економскиот факултет при УКИМ, проф. д-р Предраг Трпески, официјално го пуштија во употреба американското катче, сега со нова локација при самиот влез на економскиот факултет (Булевар Гоце Делчев 9В).
Катчето е официјално отворено во 2005 година, но сега со уште поинтензивна програма и нова локација!
Изјавата на амбасадорката преку нејзиниот Twitter профил:
Congrats to American Corner Skopje on its new location at Ekonomski Fakultet – Skopje, expanding our partnership with UKIM. Since 2005 American corner has offered creative programs, study in the U.S. & other resources to empower youth to build a better future.
Мисијата на американското катче е да ги поттикне и охрабри младите луѓе да бидат активен дел од општеството.
Се што треба да направите е да се зачлените во американското катче!
Сите активности се бесплатни, почнувајќи од креативни програми како курс за програмирање, предавања за цртање стрипови, работилници за 3Д принтање и косплеј, филмски проекции, дискусии и дебати, играње на друштвени игри па се до бесплатно изнајмување на книги, стрипови, енциклопедии и актуелни списанија директно од САД!
Ресурсите нудат одлична можност за едукација и запознавање со модерната култура, едно поинакво место со позитивна енергија кое навистина вреди да се посети!
Кога сме веќе кај стриповите и книгите, можете слободно да си изнајмите интересни наслови како Joker, Carnage, Fantastic Four (колекција), Ms. Marvel, X-Men, Star Wars енциклопедии па дури и Sci-Fi новелата на Frank Herbert, Dune.
Нашата последна заедничка активност, беше повеќемесечната програма наречена Pop Culture Lab која се состоеше од предавања и работилници за подкаст, 2Д анимација, визуелни ефекти, цртање и пишување стрипови, 3Д принтање и косплеј!
Талентираните учесници креираа кратки стрип приказни кои подоцна беа испечатени во мала книгичка:
Во катчето можете да најдете и КОМИКС МК стикери!
